خدائیه به زبان بختیاری

ای که روزی همه خلق ز انبار تونه آسمونها و زمین کرده کردار تونه

ئی همه نقش و نگاری که منه دنیا هد همه از پرتو یک جلوه دیدار تونه

افتو و ئی همه نوری که اتاوه بزمین مختصر ذره ای از تابش رخسار تونه

ئی همه او که بدریا چونو هی موج ازنه چکه ای از کرم اور گهر بار تونه

حق تو داری بکنی هر چه بدنیا اخوهی چون همه بید و نبید زنده ز پندار تونه

هر بنائی که بسازن همه ویرون ابوهه غیر پاینده فقط گنبد دوار تونه

افسر ئی فخر بسه سی تو که بعد از مرگت اسم لر تا به ابد زنده ز اشعار تونه

داستانی نه تازه...